Skip to main content

Main Secondary Navigation

  • About Ateneo de Manila
  • Schools
  • Research
  • Global
  • Alumni
  • News
  • Events

Main navigation

  • Learn & Grow
  • Discover & Create
  • Make an Impact
  • Campus & Community
  • Apply
  • Home >
  • News >
  • Pag-asa sa Pagbabasa

Pag-asa sa Pagbabasa

28 Feb 2023 | Noel Nanas

Ano nga ba ang ginagawa ng isang Atenistang Scholar kada ikatlong linggo ng buwan? 

Clue: Pagbabasa

Isa sa aking mga ginagawa tuwing ikatlong linggo ng buwan ay ang pagbabahagi ng aking oras para tulungan magbasa ang mga bata mula sa Project Solidarity with Orphans and Widows o Project SOW kasama na rin ang iba pang mga volunteers mula sa Ateneo. Ang Project SOW ay isang organisasyon ng mga nanay at mga naulilang anak ng mga biktima ng extrajudicial killings o “tokhang” noong nakaraang administrasyon, mula sa komunidad ng dumpsite sa Payatas. Nabuo ang kanilang organisasyon upang tulungan ang mga naiwan na muling makatayo sa buhay para na rin sa kanilang mga anak. 

Ang aming grupo ay binubuo ng mga aktibo ring naging volunteers noong panahon ng eleksyon at pinag-usapan na rin namin noon kung ano ang aming gagawin pagkatapos ng eleksyon. Ang reading sessions na ito ay isa sa mga naisip naming gawain upang patuloy kaming makasangkot sa lipunan at makapagbigay na rin ng serbisyo sa ating kapwa. Isa pang dahilan ng pagkabuo nito ay ang pag-usbong ng mga learning hubs sa iba’t ibang lugar, kung saan ako ay aktibong nagtuturo din, upang magkaroon rin ng espasyo ang mga bata mula sa Project SOW na kung saan sila ay makakapag-aral.

Ang aming unang sesyon ay nakatuon sa pagbibigay ng pre-assessment sa mga bata na ang layunin ay ang masukat ang antas ng pagbabasa nila. Ito ay naganap noong ika-30 ng Hulyo 2022 na inorganisa namin ni Ma’am Floy Soriano ng OSCI, kasama ang iba pang mga volunteer na sina Sir Joel (OSCI), Ate Ace (AGS), at Kuya Jeff. Dalawampu’t isang (21) bata ang aming nabigyan ng pre-assessment, mula ika-1 baitang hanggang ika-7 baitang, at mula rito walo (8) ang hindi pa kaya magbasa sa wikang Filipino at hindi pa alam ang alpabeto. Mahina rin ang kanilang pag-unawa sa mga babasahin na nakasulat sa wikang Filipino. Para naman sa Ingles, pito (7) ang hindi marunong magbasa at kahit papaano ang natitirang labing-apat (14) ay maayos ang naging score sa Dolch Sight Words na hanggang pang-ika 3 baitang ngunit kailangan pa rin na pag-igihin.

bigkis osci
Kuha mula sa unang Reading Session mula sa Project SOW

Nakausap namin si Nanay Diding at ang iba pang nanay mula sa Project SOW tungkol sa naging resulta ng pre-assessment namin. Nabanggit nila na kahit hindi marunong magbasa ang mga bata ay napo-promote ito sa susunod na baitang dahil ito ang polisiya ng DepEd na sinusunod na lamang ng mga guro. Kaming pawang mga volunteers, sa tulong na rin ni Ate Ace na isang guro sa elementarya, ay nagkaroon ng ebalwasyon base sa naging resulta ng ginawa naming pre-assessment. Mula rito, nagkaroon kami ng ebalwasyon at nagkaroon din ng ilang rekomendasyon para sa aming mga susunod na reading session. Ilan na rito ay ang pagkakaroon nila ng sariling silid-aklatan, panghihikayat sa mga kabataan na tulungan ang mas nakababata sa SOW, at paghingi na rin ng tulong sa iba pang volunteers upang matulungan ang mga bata sa pagbabasa. Mula sa naging resulta ng pre-assessment, ang naging layunin ng aming sumunod na reading sessions ay ang maturuan ang mga bata tungkol sa kanilang pagbabasa, mas mahasa pa ang kanilang kakayahan, at matutunan nilang pahalagahan ang pagbabasa.

bigkis osci
Kuha ng pag-uusap ng mga Volunteers kasama sila Nanay Diding mula sa Project SOW

Ang bawat reading session ay puno ng mga aral at kwento, hindi lamang mula sa mga volunteer tutors, kundi pati na rin mula sa mga bata at sa kanilang mga nanay at lola. Isa sa mga nakatataba ng puso ay ang mainit na pagtanggap sa amin sa bawat linggo na pupunta kami rito. Bukod sa mainit na pagtanggap ay ang aktibong pakikilahok ng mga bata sa pagbabasa at makikita mo sa kanila ang kanilang kagustuhang matuto. Inaabangan nila kada ikatlong linggo ang pagbalik ng kanilang mga ate at kuya upang turuan silang magbasa at magbahagi ng panibagong kwento para sa kanila.

Isa sa mga hindi ko malilimutang kwento ay nangyari noong ika-19 ng Pebrero. Sinalubong kami ni Christian “Tikyo” ng yakap pagpunta namin. Si Tikyo ay isa sa mga batang aktibong kasali sa aming reading session. Habang nagpapahinga at nagmemeryenda ang mga bata, umakyat ang kanyang Lola at tuwang-tuwa na ipinakita sa amin ang mga marka ni Tikyo. Tinanong daw siya ng guro kung sino ang tutor ni Tikyo at ang sagot niya ay ang mga taga-Ateneo raw (na ang tinutukoy ay kami). Maaaring sabihin natin na hindi direktang nakaapekto sa marka ni Tikyo ang reading sessions ngunit nakakataba ng puso ang ideya na labis ang pasasalamat nila sa reading sessions namin.

bigkis osci
Litrato kasama si Tikyo

“Pag-asa sa pagbabasa,” isa ito sa aking dahilan ng pagvo-volunteer. Naniniwala ako sa kapangyarihan ng pagbabasa na malaking tulong ito sa bawat bata sa kanilang buhay. Patuloy akong naniniwala at hindi nawawalan ng pag-asa na ang mga susunod na henerasyon ay tunay na pag-asa ng bayan. Bilang isang estudyante na nagnanais na maging guro, ang aking adbokasiya ay ang edukasyon para sa lahat lalo na sa mga nasa laylayan na mas kailangan nito. Isa na rin itong paraan ng aking pagbabalik para sa regalo ng scholarship sa akin ng Ateneo. Hindi ko man matuturuan ang lahat, ngunit sa mga ganitong paraan, kagaya ng reading session, ay kahit papaano may maitutulong ako sa kapwa. Kung sa tingin niyo ang mga volunteer lamang ang nakatutulong sa kapwa, nagkakamali kayo roon kasi marami akong natutunan mula sa mga taong aking natulungan. Akala ko noon na ako lang ang makatutulong sa kanila ngunit nagkamali ako dahil ako rin ay patuloy nilang tinutulungan. Tinutulungan nila akong manatiling nakaapak sa lupa, patuloy na maging mabuting tao at patuloy na tumulong pa sa ibang tao. 

Malimit lamang ang aming reading sessions dahil isang beses lamang ito kada buwan, ngunit naniniwala ako na malaking bagay na ito para sa mga bata. Isang araw na may nakatututok na magtuturo sa bawat isa sa kanila, isang araw na may ate at kuya na gagabay sa kanila lalo na kapag nahihirapan sila magbasa, at isang ate o kuya na aalalay sa kanila. Isa rin ito sa nagbibigay ng pag-asa sa akin na sa kabila ng kanilang hirap na dinanas ay patuloy pa rin silang lumalaban. 

Ikaw, ano ang ginagawa mo tuwing ikatlong linggo ng buwan? 

Kung gusto mong makasama sa aming reading sessions o nais magpadala ng donasyon, maaari kang magpadala ng email kay Ma’am Floy Soriano sa fsoriano@ateneo.edu. 

Si Noel Nanas ay kasalukuyang 4th year student sa Ateneo na may kursong AB Interdisciplinary Studies. Isa siyang aktibong volunteer sa Project SOW Reading at isang Financial Aid Scholar. 

General Interest
Share:

Recent News

Ateneo Grade School launches digital editions of Ventures and Bughaw literary magazines

30 Apr 2026

JGSOM Multi-Country Research presented at the 2026 Society of Interdisciplinary Business Research (SIBR) Conference in Bangkok

30 Apr 2026

Promotion of Faculty in the Grade School (Memo U2526-090)

30 Apr 2026

Schedule of Final Assessments for Non-Graduating Students for Second Semester, SY 2025-2026

29 Apr 2026

Toxic lead still persists in Metro Manila air amid fuel crisis and despite interventions

29 Apr 2026

Bernas Forum examines the human cost of war and the gaps in civilian protection

29 Apr 2026

Higher Education Senate (Memo U2526-089)

29 Apr 2026

Blue Eagles Calde, Gonzales, and Mella grab gold in UAAP Season 88 Juniors TKD tourney

29 Apr 2026

Campus shutdown days ADDENDUM (Memo No. AGSB-DO-2526-044)

28 Apr 2026

Biodiversity in sound: Paolo Paculan to again stream Reveil PH Dawn Chorus, this time from San Jose Seminary Mini Forest

28 Apr 2026

Pagination

  • First page « First
  • Previous page ‹ Previous
  • …
  • Page 96
  • Page 97
  • Page 98
  • Page 99
  • Page 100
  • Page 101
  • Page 102
  • Page 103
  • Page 104
  • …
  • Next page Next ›
  • Last page Last »

You may also like these articles

College Clinic Memo

21 Nov 2026

Updating of Medical Records Second Semester SY 2026-2027

14 November 2026 TO: Undergraduate and Graduate Students FROM: Higher Education Office of Health Services-College SUBJECT: Updating of Medical Records Second Semester SY 2026-2027 Please

Close up of University seal and logo at Xavier Hall

20 Nov 2026

Promotion of Faculty in the Senior High School (Memo U2627-050)

(Memo # U2627-050) I am pleased to announce that upon the recommendation of the Senior High School Committee on Faculty Rank and Permanent Appointment and the endorsement of the Vice President for Basic Education, I am approving the promotion of the following faculty members in the Senior High School:

Xavier Hall University Seal

20 Nov 2026

Demise of Mr Silvestre P Villarin(Memo U2627-049)

(Memo U2627-049) We extend our condolences to Fr Jose Ramon “Jett” T Villarin SJ and his family on the passing of his father, Mr Silvestre Villarin, on 18 November 2026 at the age of 96. Fr Villarin is the former University President, a faculty member of the Department of Physics, and the Executive Director of the Manila Observatory.

NBW 2026

19 Nov 2026

[AGS] National Book Week

Open a Book, Stories Unfold, Wonders Flow Let us come together as one AGS community to celebrate the 92nd National Book Week with the theme

Startup Founders Left to Right: Kier Leopando, Soolok Properties; Engr. Mark Bantugon, Pili AdheSeal; Patrick De Guzman, Saltric Power; Photo by: Bryan Erfe

19 Nov 2026

Three Ateneo-incubated startups secure DOST-PCIEERD’s startup grant fund

Last 9 November, during the opening day of Philippine Startup Week 2026, Soolok Properties Inc, Pili AdheSeal Inc, and Saltric Power (PDG Engineering Services), three

Ateneo Policy Center presents study on local health spending at DBM Fiscal Policy Conference 2026

17 Nov 2026

Ateneo Policy Center presents study on local health spending at DBM Fiscal Policy Conference 2026

On 19 October 2026, the Ateneo School of Government, through its research and policy unit, the Ateneo Policy Center (APC), presented findings from a study

Katipunan Avenue, Loyola Heights, Quezon City 1108, Philippines

info@ateneo.edu

+63 2 8426 6001

Connect With Us
  • Contact Ateneo
  • A to Z Directory
  • Social Media
Information for
  • Current Students
  • Prospective Students
  • International Students
  • Faculty & Staff
  • Alumni
  • Researchers & Visiting Academics
  • Parents
  • Donors & Partners
  • Visitors & Media
  • Careers
Security & Emergency
  • COVID-19
  • Campus Safety
  • Network & Tech
  • Emergency Management
  • Disaster Preparedness
Digital Resources
  • AteneoBlueCloud
  • Archium
  • Rizal Library
  • Ateneo Mail (Staff)
  • Ateneo Student Email
  • Alumni Mail
  • Branding & Trademarks
  • Data Privacy
  • Acceptable Use Policy
  • Report Website Issues
  • Ateneo Network
  • Philippine Jesuits

Copyright © 2022 Ateneo de Manila University. All rights reserved. | info@ateneo.edu | +63 2 8426 6001

Search