ANWW19 Lecture Series: Dr Daniel Gerona Madrid

Para sa ikatlong panayam sa ika-19 na Ateneo National Writers Workshop (ANWW), makakasama natin si Dr. Daniel Gerona Madrid, tampok ang kaniyang panayam na pinamagatang "The Value of Archival Documents as Sources for Literary Narratives." Magaganap ito sa Hunyo 21, Martes, mula 5 n.h. hanggang 7 n.g., via Zoom.

Para sa mga interesadong makadalo sa nasabing panayam, maaaring mag-sign-up dito: go.ateneo.edu/ANWW19DaniloGerona.

Para sa hindi makadadalo, maaaring mapanood ang rekording ng panayam sa Hunyo 25, Sabado, dito sa Facebook page ng AILAP.

*

Noong 1995, habang binubuo ang kaniyang tesis doktoral sa ika-16 na siglong kasaysayan ng kumbersiyong Katoliko, ang “Hermeneutics of Power: Colonial Discourses in the Catholic Conversion of Kabikolan,” sinimulan ni Dr. Danilo Madrid Gerona ang kaniyang mahabang panahon ng malawak na pananaliksik pang-arkibo (bago pa man naging online ang mga arkibong ito), sa Pilipinas at sa Europa, partikular na sa mga arkibong imperyal sa Seville, sa Archivo General de Indias (AGI), ang mga arkibong eklesiastikal ng mga Pransiskano, ang Archivo Franciscano Ibero-Oriental (AFIO), at ang Biblioteca Nacional de España (BNE).

Ang kaniyang paggawa sa kaniyang aklat hinggil kay Magellan ay nagpalawak sa kaniyang pagkabilad sa mga arkibo sa pagtuklas na rin sa higit pang mga sanggunian sa mga arkibo ng Torre do Tombo sa Lisbon, mga papel ni Pigafetta sa Biblioteca Ambrosiana sa Milan at sa aklatang panlungsod sa Vincenza, ang tahanan ni Pigafetta, sa Italya. Kasalukuyan niyang binubuo ang kaniyang aklat na kinomisyon ng lalawigang Augustiniano hinggil sa unang limampung taon ng mga misyonaryong paggawa ng Orden sa Pilipinas (1565-1615), na ang mga bibihirang sanggunian ay kaniyang kinalam mula sa Archivo de los Padres Agustinos de Filipinas (APAF) sa Valladolid, España.